|
Маца прыбудзе з Iзраiля . 2001г.
|
Каля 10 тон мацы маюць намер паставiць у Беларусь iзраiльскiя фiрмы — вытворцы гэтай прадукцыi. Пра гэта паведамiў «Iнтэрфаксу» старшыня Iудзейскага рэлiгiйнага аб’яднання ў Беларусi Юрый Дорн.
Па яго словах, «вялiкая партыя абрадавай яўрэйскай стравы прыбудзе ў Беларусь напярэдаднi свята Песах, якi сёлета адзначаецца 7—8 красавiка. Велiкодныя седэры — святочныя сталы будуць арганiзаваны ў 19 гарадах Беларусi.
Гаворачы пра гiсторыю ўзнiкнення мацы, Ю. Дорн нагадаў, што першы «апрыснок» быў выпечаны 4 тысячы гадоў назад i прысвечаны выхаду 7 тысяч яўрэяў з егiпецкай зямлi, а таксама набыццю iмi ля падножжа гары Сiнай свяшчэннай Бiблii. Традыцыйна маца выпякаецца з мукi i вады ў выглядзе тонкага праснака.
Цяпер у Беларусi пражываюць 29 тысяч яўрэяў.
|
zvyazda
|
|